احلام الطلبة المصرين

سنــــين فــــاتت في ثانــــــويه..... كفاح دامي وعــرق ودموع
وبعد المعركة الحامية ..... قدرت أنجح وأجيب مجموع

أخيراً حلمنـــــــــــــــــا إتحقق .....هخش الطــــــــب وأدّكــــتر
رســـــــــــاله جميله ومعـــاها...... مقام عالي وفلوس أكـــــــتر

و جاتلي بطاقة الترشيـــــــــح...... فيها الطب اللي بحــــــلم بيه
بتاع البوسته جابهــــــــــــالي ......وخدله حلاوه عشــــرة جنيه

في أول يوم لـــــــــبست جديد ......وشلت البالطو رحـت لاقيت
زمايلي إتحــشروا في مــدرج...... عامل ولا عــــــلبة الكبريت

دخل دكتور قعد يشــــــــــرح .......كلام كــــان صعب ولاتيني
و أنا متنـــح ومـــش فــــــاهم ......لاقيت النــــــــوم غلب عيني

و قلت مادام ضــــاع النظري...... هظبّــــــــط نفسي في العملي
جريت عـ المشـــرحه بسرعه...... لكن كالـــــــــعاده خاب أملي

دخلـــــت لاقـــيت 200واحد....... بيتخــــــــانقم على الجــــــثه
وناس واقـــــــــفه من الزحمه ......على كتافـي ومـــــــش حاسه

و طبــــــعاً حسّوا بظــــروفنا .......وحطّولنا إمتــــــحان فوازير
وكل أمّا آجي أحــل ســـــؤال....... أقف أدامــــــه زي الــــــزير

سنه بتمشــي وســــنه بتيجي ........مقـــالـــب بعـــدها مقــــــالب
زمايلي إتعينوا و قبـــــــضوا .......و أنا شايـــــل لـــــــقب طالب

و لسّه أنا برضه مايئستش

لحد ماخلصم السبــــــــــــعه ........وقلت خلاص هروق وهعيش
و قبل ما أفوق من الصــدمه........ خدوني عشان أخـــش الجيش

وقعت هناك في إيــــد ظابط ........ظغرلي وقال يا بســـــــــكوته
أحب أبـــــــــــشرك إنــــــك ........معـــــــايا هتطـــــــفح الكوته

خلااااص السبعه بقوا عشرة........ ولسه أنا ماشي جنــب الحيط
و بان السن علــــــــى وشي ........و شعري إبيـــّض و إصلعيت

وبعد ما قـــــلت كــــــــفاره ........خلاص هرتاحلى بقى كام يوم
لاقيتهم تـــــــــانــي واخدنّي .......عشان تكليـــــــــفي في السلوم

و قلت هنـــاك هآخد قرشين........ آكل منهم و أجيـــــــــب لبسي
فوجئـــــــت يا عيني بمرتب .......يادوب مايقضــــــنيش شيبسي

و بعد الـــعمر دا كـــــــــــله .......رمــــــوني في وحـــده صحية
نسيت الطب أنا فيـــــــــــها ........وبقــــــــيت زي الترمــــــجيه

و آديني بعيش و هعمل أيـه ........ ماليــــــــش ولا قوه ولا حولا
وحيد غلبان وحتى مافـــيش ........جـــــواز علـــى نفــــقة الدول

كل ده من الثانويه
الله يخرب بيت يسري الجمل هو السبب
متحرقش دمك يا اسلام خلاص
مهو بكره نقول كانت ذكري و عشنالنا يومين
ههههههههههههههههههههههههههههه